नेपाली सांगीतिक क्षेत्रलाई आफ्नो ठाउँबाट योगदान दिइरहेका आस्था कला केन्द्रले नियमित सांगीतिक श्रृंखला ‘आवाज’को तेस्रो शृङ्खला यही साउन २९ गते शुक्रबार आयोजना गर्ने भएको छ।

बिज्ञापन

हरेक दुई महिनाको अन्तिम शुक्रबार सञ्चालन हुँदै आएको यो कार्यक्रममा नेपाली, हिन्दी तथा उर्दू भाषाका गीतगजलहरूको प्रत्यक्ष प्रस्तुति रहनेछ। केन्द्रका गायन प्रशिक्षकद्वय वेनुप क्षेत्री र प्रीतम गुरुङका साथै संगीत सिकिरहेका विद्यार्थीहरूको सहभागिता रहने यस कार्यक्रममा चर्चित गायिकाहरू जुनु प्रसाईं र अञ्जना श्रेष्ठ विशेष अतिथि कलाकारका रूपमा प्रस्तुत हुनेछन्। प्रत्यक्ष वाद्यवादनको साथमा करिब १८ वटा उत्कृष्ट गीतगजल प्रस्तुत गरिने र नयाँ प्रतिभालाई अनुभवी कलाकारहरूसँगै एउटै मञ्चमा जोड्ने मुख्य उद्देश्य राखिएको यो सांगीतिक साँझ बेलुका ६:३० देखि ८:३० बजेसम्म आस्था कला केन्द्रमा सञ्चालन हुनेछ।